Отандық өндірушілер мен салалық қауымдастықтардың қатысуымен «СҚ-Фармация» базасында дәрі-дәрмек өндірісін және жеткізуді жеделдету бойынша шұғыл кеңес өтті.

Ауруханаларды дәрі-дәрмекпен жедел қамтамасыз ету үшін қазір отандық фармацевтикалық өндіріске үлкен үміт артылуда. Өйткені, КВИ емдеу үшін қолданылатын барлық препараттардың 43 атауын отандық зауыттар шығарады.

Қазір «СҚ-Фармация» жедел режимде екі айлық болжамды қажеттілік көлемінде тұрақтандыру қорын қалыптастырудың ағымдағы қажеттілігін арттыру үшін неғұрлым сұранысқа ие дәрі-дәрмектерді сатып алуда. Және отандық дәрі-дәрмектерге аса назар аударылуда.

Отандық өндірушілер ауруханалар мен провизорлық орталықтарды шұғыл қажеттілік жағдайында дәрі-дәрмекпен барынша қамтамасыз етуге дайын. Қазірдің өзінде зауыттар үш ауысымдық жұмыс режиміне көшті. Өндірісті неғұрлым сұранысқа ие препараттарға қайта қалыптау үшін мүмкіндіктер қайта қарастырылуда.

Ішкі нарықты «СҚ-Фармацияда» қуаттармен қамтамасыз ету мүмкіндіктері бойынша көріністің толықтығын қалыптастыру үшін әрбір өндіруші бойынша құжаттар жинағын әзірлеу туралы шешім қабылданды: ағымдағы сәтте қорлардың болуы, қолданыстағы міндеттемелер, жоспарланған өндіріс көлемі, сондай-ақ максималды қуатқа шығу қажеттілігі.

Әрбір дерекнама бойынша қуаттарды кеңейтуге және жеткізілімдерді жеделдетуге жәрдем көрсету үшін шаралар ұсынылады. Мұндай мәселелерді шешу үшін - рұқсат беру процедураларын жедел алу, шетелдік сарапшыларды тарту, төлем процедураларын жеделдету, өзі алып кетуге дейін тасымалдауға көмек көрсету - барлық мүдделі мемлекеттік органдар тартылатын болады.

Онлайн режимінде сұрақтарды шешу үшін жедел топ құрылды, оған отандық фармацевтикалық өндірушілер, логистер мен Бірыңғай дистрибьютордың өкілдері кірді. «Қызыл аймақтың» дәрі–дәрмектері - аса қажетті дәрі-дәрмектерді өндіру және жеткізу мүмкіндігінің мониторингі қолмен атқарылатын режимге ауыстырылды.

Өзгермелі жағдайды ескере отырып, апта сайынғы негізде осындай жедел кеңестерді өткізу туралы шешім қабылданды.

Кеңеске SANTO, Nobel Алматы фармацевтикалық фабрикасы, «Abdi Ibrahim Global Pharm», Қарағанды фармацевтикалық кешені, «Элеас», «КазДиаТест» отандық өндірушілердің және басқа да ірі отандық фармацевтикалық кәсіпорындардың, сондай-ақ «Қазақстанның ФармМедИндустриясы» салалық қауымдастықтарының және Медициналық бұйымдарды өндірушілер қауымдастығының өкілдері қатысты.