АСТАНА. ҚазАқпарат -  Алдағы бірер жылда обырды емдеудің жаңа әдісі  клинкалық сынақтан өткізіледі, деп жазады Би-би-си. 

Британдық ғалымдар адамның иммундық жүйесі обыр ісіктерімен тиімді күресетін жаңа тәсіл тапқандарына  сенімді.

Оның құпиясы әр ісіктің ең әлсіз тұсын табуда болып отыр. Яғни, сол осал жеріне иммундық жүйені бағыттайды.

Терапияның бұл түрі туралы бұдан бұрын айтылған болатын. Лондон Университет колледжінің ғалымдары бұл жайлы енді ғана жариялап отыр. Олар обыр құрылымындағы «әлсіз» учаскелерді біріздендіру тетіктерін тапқан.

Жаңалық обырдың  әр жағдайына жеке тәсілді қарастырады, әр обырдың жасушасын зерттеу қажет. Бұл практикада өте қымбат. Алайда қазіргі сәтте, ғалымдар бұл соңғы жылдардағы осы саладағы ең сенімді нәтиже екенін мәлімдеді.

Ғалымдар клиникалық сынақты таяу екі жылда жүргізіп көрмек.